loading...

Մաշկի վրա սև կետերի առաջացման պատճառները։ Ինչպե՞ս ազատվել այդ խնդրից

Մաշկի վրա սև կետերի առաջացման պատճառները։ Ինչպե՞ս ազատվել այդ խնդրից

Կոմեդոնները կամ սև կետերը կարող են գլխացավանք դառնալ ոչ միայն դեռահասների, այլ նաև հասուն անձանց համար: Դրանք այդքան տհաճ տեսք չունեն ինչպես բշտիկները, բայց դրանցից ազատվելն ավելի դժվար է: Սակայն մինչ բուժումը սկսելը, անհրաժեշտ է գտնել դրանց առաջացման պատճառները:

Ինչպես տեղեկացնում է trental.ru կայքը, գոյություն ունի սև կետերի առաջացման մի քանի պատճառ: Առաջինը և ամենատարածվածը՝ օրգանիզմի վիճակն է: Քաղաքաբնակները գրեթե չեն ունենում մաքուր օդ շնչելու կամ որակյալ միրգ ու բանջարեղեն ուտելու հնարավորություն: Կյանքի արագ ռիթմի պատճառով՝ շատերը տառապում են սթրեսից կամ անքնությունից, ինչը ուղղակիորն կապված է մաշկի առողջության հետ: Ուստի մաշկի վիճակը բարելավելու համար անհրաժեշտ է առաջին հերթին հետևել սննդակարգին: Պետք է մաքրել օրգանիզմը, հրաժարվել ճարպոտ ու տապակած սնունդից և բացառել քաղցր գազավորված ըմպելիքները: Բացի այդ, անհրաժեշտ է նաև հետևել էմոցիոնալ վիճակին. չարժի խնդիրների պատճառով փչացնել գեղեցկությունն ու երիտասարդությունը: Հանգստանալու շատ լավ միջոց կարող են հանդիսանալ յոգան, լողը կամ մերսումը, ինչը լավ կանդրադառնա ոչ միայն դեմքի, այլև ամբողջ մարմնի վրա:

 

Սև կետերի առաջացման երկրորդ պատճառը՝ չխնամված մաշկն է: Մաշկն անհրաժեշտ է մաքրել օրական երկու անգամ՝ առավոտյան և երեկոյան: Բացի այդ, շաբաթական մեկ անգամ կարելի է օգտագործել սկրաբ կամ դիմակ, որոնք կարելի է ինչպես ինքնուրույն պատրաստել (յուղերով և կավով), այնպես էլ գնել արդեն պատրաստի վիճակում: Անհրաժեշտ է նաև դադարել ձեռք տալ դեմքին օրվա ընթացքում, քանի որ դա ոչ միայն տգեղ է դիտվում, այլ կարող է նաև էլ ավելի վատացնել մաշկի վիճակը:

Հորմոնալ դիսբալանսը (անցումային տարիք, հղիություն, որոշ դեղամիջոցների ընդունում) նույնպես կարող է դառնալ սև կետերի առաջացման պատճառ: Եթե նկատվում է մաշկի վիճակի կտրուկ վատացում, անհրաժեշտ է խորհրդակցել բժշկի հետ:

Բացի այդ, նման տհաճ երևույթները կարող են լինել նաև վատ ու անորակ կոսմետիկ միջոցների հետևանքով: Ավելի լավ կլինի նման միջոցները գնելիս ընտրել ստուգված արտադրողի ապրանքը, քանի որ լավ կոսմետիկան ոչ միայն չի վնասում, այլև շատ ավելի գեղեցիկ է դիտվում: Սակայն պետք չէ մոռանալ, որ որքան էլ լավը լինեն կոսմետիկ միջոցները, շպարն անհրաժեշտ է լավ մաքրել՝ թույլ տալով մաշկին գիշերը շնչել:

loading...