Բարի Գալուստ xohanoc.am

Այստեղ կարող եք գտնել խոհանոցային գաղտնիքներ, բազմաթիվ հայկական ավանդական բաղադրատոմսեր: Ձեզ ենք ներկայացնում նաև այլ երկրների համեղ ուտեստների, ինչպես ամենօրյա, այպես էլ տոնական, դիետիկ, մանկական և այլ բազմաթիվ կերակրատեսակների բաղադրատոմսեր, օգտակար խորհուրդներ, հետաքրքիր նորություններ, առողջ սնվելու գաղտնիքներ և այլն...

Թթուներ և աղծուներ


  Թթու կամ աղ դնելու եղանակը հիմնված է այն բանի վրա, որ շաքարը կաթնաթթվային բակտերիաների ազդեցության տակ դառնում Է կաթնաթթու: Կաթնաթթուն, բանջարեղենի մեջ կուտակվելով, խոչընդոտ է ծառայում այլ, գլխավորապես նեխումային միկրոբների զարգանալուն և դրանով իսկ բանջարեղենը պահպանում է փչանալուց: Բանջարեղենի թթու դնելու պրոցեսը հաջող անցկացնելու համար անհրաժեշտ է թթու դրվող բանջարեղեններում նպաստավոր պայմաններ ապահովել կաթնաթթվային բակտերիաների կենսագործունեության համար։

   Թթու դնելու աոաջին հիմնական պայմանն այն է, որպեսզի կաթնաթթվային բակտերիաները բավականաչափ սնունդ ունենան, այսինքն՝ թթու դրվող բանջարեղենները շաքարային լինեն: Որքան քիչ է շաքարը բանջարեղենում, այնքան թթվեցման պրոցեսում կաթնաթթուն քիչ կստացվի և հետևաբար, թթու դրած բանջարեղենր պահելու համար նույնքան պակաս կայուն կլինի:

   Երկրորդ անհրաժեշտ պայմանն այն է, որ թթու դնելու ժամանակ կաթնաթթվային բակերիաների կենսագործունեության համար առավել նպաստավոր ջերմություն ստեղծվի։ թթվեցման պրոցեսը գործնականորեն լավ է ընթանում 15֊ից մինչև 22° ջերմության տակ։ Եթե ջերմությունը 15°-.ից ցածր լինի, կաթնաթթվային բակտերիաները դանդաղ կզարգանան, և թթվելու պրոցեսը կդանդաղի։ Ընդհակառակը, 22—25 ից բարձր ջերմության դեպքում բացի կաթնաթթվային բակտերիաներից, կզարգանան նաև ուրիշ, թթվի համար վնասակար միկրոբներ, օրինակ՝ յուղաթթվային։ Յուղաթթվային միկրոբների ազդեցության տակ թթու դրած բանջարեղենը կծված համ է ստանում։

   Թթուներ պատրաստելիս թարմ պտուղները, հատապտուղները կամ բանջարեղենը (առանձին դեպքերում եփած կամ տապակած) շարքով դնում են բանկաների մեջ և
վրան լցնում պաղեցրած թթվաջուրը և բանկան ծածկում են պերգամինի թղթով, կապում են թելով և պահում են սառը տեղ։
   Թթվաջուր պատրաստելու համար գինու քացախը նոսրացնում են եռացրած և պաղեցրած ջրով, ավելացնում են աղ, շաքար, դարչին, մեխակ և այլ ամոքանք, եռացնում և պաղեցնում են։ Եթե 3 օրվա ընթացքում թթվաջուրը պղտորվի, ապա այդ ջուրը պետք է թափել, եռացնել պաղեցնել և նորից լցնել բանկայի մեջ։